غزہ لہو لہو، اسرائیلی بمباری نال ہور30فلسطینی شہید

شہیداں دی تعداد200ہوگئی جناں وچ58بال تے34عورتاں شامل نیں۔
غزہ/مقبوضہ بیت المقدس( پنجابی میڈیا گروپ) اسرائیل نے ریاستی دہشت گردی دا مظاہرہ کردئیاں غزہ اُتے خوف ناک بمباری کیتی جس دے نتیجے وچ ہور30فلسطینی شہید ہو گئے جس دے نتیجے وچ شہیداں دی تعداد200ہوگئی اے۔
شہیداں وچ58بال تے34عورتاں شامل نیں۔ ہزاراں لوگ زخمی نیں جناں وچ366بال وی شامل نیں۔ بالاںدی بہبود دی عالمی تنظیم سیو دی چلڈرن دے مطابق غزہ وچ ہر گھنٹے بعد3بال اسرائیلی بمباری نال زخمی ہورہے نیں۔
غزہ دے نہتے فلسطینیاں اُتے اسرائیلی فضائی حملے دُوجے ہفتے وچ داخل ہوگئے نیں تے شہر آہستہ آہستہ ملبے دا ڈھیر بن رہیا اے۔ بمباری تے میزائل حملیاں توںکوئی محفوظ نہیں۔