ڈگری یافتہ جواناں نوں صنعتی تقاضیاں توں جا نو کرن لئی مہم

لہور(سٹاف رپورٹر)پاکستان وِچ پہلی وار اک اجیہی نویکلی کمپین شروع کیتی گئی اے جیہدا مقصد اکیڈمیہ تے انڈسٹری دے وِچ کار پائی جان والے خلا نوں پُرکرنا اے تاکہ اَج دے ڈگری یافتہ نوجوان نویں صنعتی تقاضیاں توں ہم آہنگ ہون تے ملکی ترقی وچ اپنا کردار اداکرن۔Let’s paybackدے ناں توں ایس کمپین دااک مقصد انڈسٹری دے ماہراں نوں ایہہ وی دَسنااے کہ اوہ اپنے تعلیمی اداریاں وچ جان تے اپنے تجربیاں تے مشاہدیاں نال نویں نسل نُوں جانو کروان۔ایس سلسلے وِچ اج قاسم علی شاہ فاونڈیشن اندر اک نشست دا پَربندھ کیتا گیا جیہدے وچ تعلیم تے صنعت نال جُڑیاں معروف شخصیتاں رَلت کیتی تے اکیڈمیہ تے انڈسٹری دے وِچ کار پائی جان والے خَلا نُوں پُرکرن لئی اپنیاں قیمتی تجویزاں پیش کیتیاں۔نشست دے آخر اُتے سارے پروہنیاں لئی پُرتکلف چائے دا وی اہتمام کیتا گیا سی۔