لہوروچ ودھدی ہوئی ٹریفک تے ہوا دی آلودگی شہریاں لئی وڈا خطرہ بن گئی اے

“ٹریفک دے رولیاں (مسائل) پاروں لاہور شہر دنیا وچ 144 ویں نمبر تے آ گیا اے۔ سما ٹی وی دے مطابق ٹریفک سروے رپورٹ وچ دَسیا گیا اے کہ ٹریفک دے وڈے مسلیاں دی وجہ توں پنجاب نوں سالانہ 450 ارب روپے دا معاشی نقصان ہو رہا اے، جدکہ لاہور شہر وچ رش دے ویلے (پیک آورز) گڈیاں دی اوسط رفتار 20 کلومیٹر فی گھنٹہ توں بھی گھٹ رہ گئی اے۔ ٹریفک جام رہن دی وجہ توں پٹرول دی مد وچ لوکاں دی جیباں تے بوجھ ہور ودھ گیا اے تے سالانہ 5 لاکھ ٹن کاربن دی پیداوار ہوا نوں زہریلا بنا رہی اے۔ پنجاب وچ 35 فیصد فضائی آلودگی دی وجہ ٹرانسپورٹ نوں دَسیا گیا اے، جدکہ رجسٹرڈ گڈیاں وچ سالانہ 12 فیصد وافر اضافہ ٹریفک دے رولیاں نوں ہور ودھا رہا اے۔”