عامر لیاقت دی پہلی اہلیہ بشریٰ اقبال نے طلاق دی تصدیق کردتی
کراچی: پاکستان تحریک انصاف د ے رہنما تے قومی اسمبلی دے رکن عامر لیاقت دی پہلی اہلیہ سیدہ بشریٰ اقبال نے اپنی تے عامر لیاقت دی طلاق دی تصدیق کردتی۔
گزشتہ روز بشریٰ اقبال نے پہلی وار عامر لیاقت دے نال اپنی علیحدگی دی خبر سوشل میڈیا دے ذریعے لوکائی نال شیئر کیتی۔ انہاں نے سوشل نیٹ ورکنگ سائٹس انسٹاگرام تے ٹوئٹر تے اپنی تے عامر لیاقت حسین دی طلاق دی تصدیق کردیاں ہویاں آکھیا ”سلام، مینوں لگدا اے کہ اہن وقت اے کہ اپنے تے اپنے سابق شوہر عامر لیاقت دے رشتے متعلق وضاحت دا۔ عامر لیاقت مینوں طلاق دے چکے نیں۔“
