مینوں ’آریانہ گرانڈے‘ بنن دا کوئی شوق نہیں : آئمہ بیگ

کراچی: پاکستان دی مشہور گلوکارہ آئمہ بیگ دا کہنا اے اوہناں نوں امریکی گلوکارہ آریانہ گرانڈے بنن دا کوئی شوق نہیں۔

پاکستان دی مشہور و معروف گلوکارہ آئمہ بیگ نے انسٹا گرام تے لائیو سیشن دے دوران امریکی گلوکارہ آریانہ گرانڈے دی طرح گانے تے اوہناں دا سٹائل کاپی کرن بارے آکھیا کہ میں آریانہ گرانڈے دی طرح نہیں بننا چاہندی، صرف اک پونی بنان نال یا گلوکارہ دی طرح آئی لائنر لاؤن نال میں آریانہ گرانڈے نہیں بن سکدی۔

گلوکارہ آکھیا اوہناں نوں امریکی گلوکارہ پسندی اے، آریانہ دی آواز تے سٹائل دی اوہ دیوانی وی نیں پر اوہ اوہناں ورگی بننا نہیں چاہندیاں۔

گلوکارہ آکھیا مینوں اداکارہ و ماڈل ہانیہ عامر تے گلوکارہ مومنہ دا سٹائل وی پسند اے۔ کسے دے سٹائل نوں کاپی کرن دا مطلب ایہ نہیں کہ تسیں اوس شخصیت نوں ای کاپی کر رہے او۔