اک ہور بھارتی اداکار دی خود کشی

ممبئی ( بھلیکھا ٹی وی ) بالی ووڈ اداکار سشانت سنگھ توں بعد اک ہور بھارتی اداکار نے خود کشی کر لئی ، اداکار نے اپنے گھر دیصحن وچ پھانسی لے لئی بھارتی ڈرامے ( ساس بھی کبھی بہو تھی، کہانی گھر گھر کی ) وچ اپنی اداکاری دا لوہا منوان والے بھارتی اداکار 44سالہ اداکار سمیر شرما نے خود کشی کر لئی ، بد ھ دی رات اداکار نے ممبئی وچ اپنے گھر دے صحن اندر پھانسی لے لئی ۔بھارتی میڈیا دے مطابق اداکار سمیر شرما دی لاش سب توں پہلاں بلڈنگ دے واچ مین نے دریافت کیتی۔ پولیس نے شبہ ظاہر کیتا اے کہ اداکار نے دو دن پہلاں خود کشی کیتی سی، لاش نوں پوسٹ مارٹم لئی گھل دتا گیا اے ،سمیر شرما دی اچانک موت دی خبر سن کے اوہناں دے چاہن والے صدمے وچ چلے گئے نیں ۔