علی ظفر نے کئی واری مینوں دانستہ طور تے چھوا، میشا شفیع دا عدالتی بیان
لہور: گلوکارہ میشا شفیع نے عدالت وچ علی ظفر دے ہتک عزت دے جواب وچ بیان ریکارڈ کراندیاں ہوئیاں آکھیا اے گلوکار علی ظفر نے کئی واری مینوں دانستہ طور تے چھوا تے جنسی طور تے ہراساں وی کیتا۔ لہور سیشن کورٹ وچ گلوکارہ میشا شفیع دے خلاف گلوکار علی ظفر دے ہتک عزت دعوے دی سنوائی ہوئی۔
میشا شفیع نے ایڈیشنل سیشن جج امجد علی شاہ دی عدالت وچ تن گھنٹے توں ودھ ویلے تک بیان ریکارڈ کروایا۔ اپنے بیان وچ میشا شفیع دا کہنا سی ساتھی گلوکار علی ظفر نے کئی واری جنسی طور تے ہراساں کیتا تے بار بار غیر اخلاقی طور تے دانستہ چھوا۔
گلوکارہ میشا شفیع نے ہور دسیا کہ مینوں علی ظفر دے نال لمے عرصے تک پرفارم کرنا سی پر ایہناں حرکتاں توں پریشان سی تے انتہائی مجبوری دی حالت وچ مینوں جنسی ہراسانی دا معاملہ چکنا پیا کیوں جے ساتھی گلوکار دا رویہ میری برداشت توں باہر ہوندا جا رہیا سی۔
