امریکہ نال جنگ بندی توں بعد ایران دا پاکستان نال وڈی تجارت شروع کرن دا فیصلہ
کراچی: امریکہ نال جنگ بندی توں بعد ایران نے پاکستان نال وڈی تجارت شروع کرن دا فیصلہ کیتا اے۔
دو مہینیاں دے دوران ایران دے دوجے وڈے تجارتی وفد نے فیڈریشن آف پاکستان چیمبر آف کامرس اینڈ انڈسٹری (ایف پی سی سی آئی) دا دورہ کیتا اے۔
ایران نے پاکستان وچ ایل پی جی اسٹوریجز (گیس گوداماں) تے سرمایہ کاری لئی معاہدے اتے دستخط کر دتے نیں ۔
رہنما ایف پی سی سی آئی محمد علی حیدر دے مطابق ایف پی سی سی آئی وچ معاہدے اتے دستخط ہوئے، ایرانی وفد وچ کان کنی دے سرمایہ کار تے چاول امپورٹرز (چول منگواؤن والے) سمیت دوجے لوک شامل سن۔
رہنما ایف پی سی سی آئی دے مطابق پوری جنگ بندی توں بعد پاک ایران تجارت 10 ارب ڈالر تیکر پہنچاؤن دا ہدف (ٹارگٹ) اے۔
ایران نے پاکستان نوں وسطی ایشیا تیکر رسائی دین دی پیشکش کر دتی
دوجے پاسے اسلام آباد وچ ایرانی سفیر تے وفاقی وزیر سرمایہ کاری بورڈ دے وچکار ملاقات ہوئی۔ وفاقی وزیر قیصر احمد نے متعلقہ وزارتوں نال مسئلہ حل کرن دی یقین دہانی کروائی۔
اعلامیے دے مطابق ایران نے پاکستان نوں وسطی ایشیا تیکر رسائی (راستے) دی پیشکش کیتی اے، دونوں ملکاں نے دوطرفہ تجارت نوں متھے ہوئے (طے شدہ) 10 ارب ڈالر تیکر ودھاؤن دے عزم نوں دہرایا۔
وفاقی وزیر قیصر احمد شیخ دے مطابق دونوں ملکاں نے اقتصادی تعاون ودھاؤن اتے اتفاق کیتا اے، پاکستان تے ایران نے سرحدی تجارت وچ اضافے لئی سانجھے (مشترکہ) اقدامات اتے وی اتفاق کیتا اے، روزانہ سرحد پار ٹرکاں دی گنتی 2000 تیکر ودھاؤن دی تجویز زیرِ غور اے۔
اعلامیے دے مطابق ملاقات وچ وزیراعظم شہباز شریف تے فیلڈ مارشل عاصم منیر دی قیادت نوں سراہیا گیا۔
