ڈھرکی تے خیرپور وچ لبھن والے نویں کھوہاں توں گیس دی پیداوار شروع ہو گئی اے
صوبہ سندھ دے علاقیاں ڈھرکی تے خیرپور وچ لبھن والے نویں کھوہاں توں گیس دی پیداوار شروع ہو گئی اے۔
ماڑی انرجیز دے مطابق صوبہ سندھ وچ ڈھرکی توں “شمس ون” توں لبھن والی گیس سوئی ناردرن نیٹ ورک وچ شامل کر دتی گئی اے۔ ہر دیہاڑے (یومیہ) 3 کروڑ مکعب فٹ گیس سوئی ناردرن دے سسٹم وچ شامل کیتی گئی اے۔
ماڑی ڈویلپمنٹ اینڈ پروڈکشن لیز ڈھرکی آپریٹر اے تے 100 فیصد حصص دی مالک اے۔
دوجے پاسے او جی ڈی سی ایل نے سندھ دے ضلع خیرپور وچ واقع “سہتو ون” کھوہ (کنویں) توں گیس دی پیداوار شروع کر دتی اے، ایتھوں ہر دیہاڑے 60 لاکھ مکعب فٹ گیس سوئی سدرن دے نیٹ ورک وچ شامل کیتی جا رہی اے۔
ترجمان او جی ڈی سی ایل دے مطابق سوئی سدرن نوں گیس سپلائی لئی 5 کلو میٹر لمی پائپ لائن وچھا کے “سنجھورو پراسیسنگ پلانٹ” نال جوڑ (منسلک کر) دتی گئی اے۔ گیس صاف کرن (پراسیسنگ) توں بعد سوئی سدرن نیٹ ورک وچ شامل کیتی جا رہی اے۔
ترجمان دے مطابق اگے جا کے (مستقبل میں) کھوہ دی پیداوار وچ ہولی ہولی (بتدریج) وادھا متوقع اے۔
