اوورسیز پاکستانیاں نے مالی سال 2026 وچ 8 فیصد ودھ ورکرز ترسیلات (ریمنٹس) گھلیاں
کراچی: باہرلے ملکاں وچ رہن والے پاکستانیاں نے مالی سال 26-2025 وچ 41 ارب 58 کروڑ ڈالر دیاں ترسیلات (ریمنٹس) دیس گھلیاں۔
اسٹیٹ بینک آف پاکستان دے مطابق جون دیاں ترسیلات مئی وچ گھلے گئے ریکارڈ سوا 4 ارب ڈالر توں 77 کروڑ ڈالر گھٹ رہیاں پر 26-2025 دیاں ورکرز ترسیلات مالی سال 25-2024 دے مقابلے وچ ساڑھے 8 فیصد ودھ نیں۔
پچھلے مالی سال وچ ورکرز ترسیلات دی ماہانہ اوسط 3 ارب 46 کروڑ ڈالر رہی، سعودی عرب توں پونے 10 ارب ڈالر، عرب امارات توں 8 ارب 80 کروڑ ڈالر، برطانیہ توں 6 ارب 32 کروڑ ڈالر، یورپی یونین توں 5 ارب 22 کروڑ ڈالر، دوجے گلف ملکاں توں 3 ارب 93 کروڑ ڈالر تے امریکا توں 3 ارب 62 کروڑ ڈالر دیاں ورکرز ترسیلات پاکستان گھلیاں گئیاں۔
دوجے پاسے وزیر اعظم شہباز شریف نے پچھلے سال دے مقابلے وچ ودھ ترسیلاتِ زر گھلن تے اوورسیز پاکستانیاں دا شکریا ادا کردیاں آکھیا کہ محبِ وطن سمندر پار پاکستانیاں نے 41.6 ارب ڈالر دیاں ترسیلاتِ زر گھلیاں جیہناں تے اوہناں دے مشکور نیں۔
