روپے دے مقابلے وچ امریکی ڈالر اک روپے سستا ہو گیا

لہور ( بھلیکھا ٹی وی ) ملک وچ ایس ہفتے دے آخری دن روپے دے مقابلے وچ امریکی ڈالر اک روپے سستا ہو گیا ۔ تفصیلات دے مطابق ملک وچ پچھلے دو ہفتیاں توں امریکی ڈالر دی قیمت مسلسل گھٹ رہی اے ، تے روپیہ تگڑا ہندا جا رہیا اے ، جس دے اثرات انٹر بینک تے اوپن مارکیٹ وچ ویکھن نوں مل رہے نیں ،۔ جس دے بعد امریکی کرنسی دی نویں قیمت 165روہے ہو گئی اے ۔دُجے پاسے اوپن مارکیٹ دی طرح انٹر بینک وچ امریکی ڈالر دی قدر وچ مسلس گراوٹ ویکھن نوں مل رہی اے ، انٹر بینک وچ امریکی کرنسی 50پیسے سستی ہون توں بعد164روپے50پیسے تک چلی گئی اے ۔26اگست توں اوپن مارکیٹ وچ ڈالر 4روپے سستا ہو گیا اے جد کہ انٹر بینک وچ ڈالر 3روپے 93پیسے سستا ہو گیا اے ۔

اپنا تبصرہ گھلو