خیبرپختونخوا وچ حکومت دی دلچسپی نہ ہون دے برابر : 600توں ودھ صنعتی یونٹس بند

پشاور ( بھلیکھا ٹی وی ) خیبر پختونخوا وچ صنعتی یونٹاں دے بند ہون دا سلسلہ رک نہ سکیا ، حکومت دی دلچسپی نہ لین دی وجہ نال صوبہ وچ6سو توں ودھ صنعتی یونٹس بند ہو گئے ۔ سینکڑاں یونٹاں نے اپنا سیٹ اپ ہی ختم کر دتا ۔2ہزار982یونٹاں رجسٹرڈ نیں، جس وچ 2 ہزار 293یونٹاں فعال نیں ، پشاور وچ854وچوں 751نیں جد کہ 105بند نیں ۔ سرحد چیمبر آف کامرس دے مطابق حکومت نوں صنعتاں بارے پالیسی اُتے نظر ثانی کرنی چاہیدی اے تا کہ صوبے دی انڈسٹری نوں تباہ ہون توں بچایا جا سکے ۔صنعتاں نال وابستہ افراد وی پر یشانی دا شکار نیں ، اوہناں نے آکھیا کہ آئین تے قانون دے مطابق اقدامات اٹھن گے تے مشکلاں ختم ہو جان گیاں ۔حکومت ٹیکساں سمیت پالسیاں وچ نرمی کرے ۔ خیبر پختونخواہ وچ صنعتاں بند ہون دی بنیادی وجہ وفاقی تے صوبائی حکومت دا آڈٹ نظام تے ٹیکساں وچ ودھا اے ۔

اپنا تبصرہ گھلو