غزل

توں کدیں ڈِٹھی اے اوہ نگری وی بھائی اکبرا
جتھے انھیاں دے حکم تے کھوٹا ہو جاوے کھرا
جتھے گرکی مدرسے سن، ہر گلی اندر مسیت
بن گیا اسلام دا اوتھے ہی اوڑک مقبرہ
جتھے جعلی ڈگریاں نوں ووٹ پاون کوڑھے
اوتھے جِت جاندا اے مْڑ کے ہر سیاسی مسخرہ
مار کے کچھے رچھانی نائی کردے لیڈری
کھوتیاں دی دھون تے پھیرن کمینے کھرکھرا
ایہناں توں ڈردے نیں سارے دیس دے افسر غریب
ہک بھرا جرنیل ہے ، لفٹین ہے دوجا بھرا
موج مانن دے اسانوں لْٹ کے جھْگا قوم دا
سْتی اْمت نوں نہ ویرا مار کے ہْجاں جگا
ویکھ لے مسعود ، پھِٹے ہوئے جوکر سوجھوان
ایہناں ٹی وی سْتیاں نوں ہوش دا دارو سْنگھا