غزل

ڈاکٹر ہر بنس کورگل

جین انبرسر تے لہور دیاں یاریاں
پیندیاں ایہ حداں سرحداں اُتے بھاریاں
اکھراں دی کھیڈ مینوں آئی نہیوں کھیڈنی
حل میتھوں ہوئیاں نہ سہاریاں بہاریاں
بُکاں نال پیواں پانی ڈول کھچ کھچ کے
فیر کوئی آئے یاداں نال لے کے پیاریاں
فِر توں جے سفر ہووے اپنے پیار دا
چلّن جالندھروں لاہور تیک لاریاں
چھُوہ لیا ایہناں نوں تیرے دیسوں آئی پون نے
پھُلّاں نال مہک پئیاں ساریاں کیاریاں
کدے وی اسانوں سنتالی نہیوں بھُلنا
دوہیں پاسیں جھَلیاں سی لوکاں نے خواریاں
ہویا سی دوپھاڑ اودوں پنج آب رنگلا
چلّیاں جی ملّو زوری دلاں اُتے آریاں
وکھ ہو کے کِنّی پِیڑ جھلّی رب جاںْ داے
گِل! اسیں بہت نیں مصیبتاں سہاریاں

اپنا تبصرہ گھلو