گندے انڈے

بابا نجمی

گندے انڈے اایدھر وی نیں اودھر وی
کجھ مشٹنڈے ایدھر وی نیں اودھر وی
کنہاں دے گن گانے دسو مُلاں جی
حلوے منڈے ایدھر وی نیں اودھر وی
جہناں سنگ وکھا کے کھادا ازلاں توں
لوکو سنڈھے ایدھر وی نیں اودھر وی
گوڈی کوئی نہیں دیندا صرف وکھالے لئی
رمبے چنڈے ایدھر وی نیں اودھر وی
رل کے کیوں نہیں چگدے اپنی دھرتی دے
جہڑے کنڈے ایدھر وی نیں اودھر وی
ایتھے سچ اچھالن والے لوکاں نوں
کردے ڈنڈے ایدھر وی نیں اودھر وی

اپنا تبصرہ گھلو