“انمول پنکی لاہور توں گرفتار؟ کراچی پولیس دی کارروائی شک دے گھیرے وچ آ گئی”
کوکین ڈیلر انمول پنکی دے بارے وچ سنسنی خیز انکشافاں دا سلسلہ جاری اے۔ ذرائع دا کہنا اے کہ انمول پنکی نوں نواب ٹاؤن لاہور توں گرفتار کر کے کراچی منتقل کیتا گیا، جس توں بعد کراچی پولیس دے گارڈن والے چھاپے اُتے سوال کھڑے ہو گئے نیں۔
منشیات سمگلر انمول پنکی دی گرفتاری دے معاملے وچ نواں موڑ آ گیا اے۔ پنکی لاہور وچ بیٹھ کے کراچی سمیت پورے ملک وچ نیٹ ورک چلاندی رہی تے پولیس نوں کانوں کان خبر نہ ہوئی، پر منشیات اُتے کم کرن والے اک حساس ادارے نے اوہنوں لبھ لیا۔ پنکی نوں واٹس ایپ آن ہون دی وجہ توں لاہور توں ٹریس کیتا گیا۔
حساس ادارے نے انمول پنکی نوں لاہور توں پھڑ کے کراچی پولیس دے حوالے کیتا، کیونکہ اوہ کراچی پولیس نوں منشیات دے مقدمیاں وچ مطلوب سی۔ کراچی پولیس دا گارڈن دے فلیٹ اُتے چھاپہ مار کے گرفتاری ظاہر کرن والا بیان ہن شک دے گھیرے وچ اے۔
ویڈیو وچ ویکھیا جا سکدا اے کہ پولیس افسر بڑے سکون نال دروازے اُتے پہنچے تے انمول نے وی اتنے ہی اطمینان نال بوہا کھولیا۔ مرد اہلکار سوانیاں اہلکاراں دے نال فلیٹ وچ وڑے، انمول پنکی دی تلاشی لئی گئی، اسلحہ تے نشہ برآمد کیتا گیا تے ملزمہ دی گرفتاری پا دتی گئی۔
