خانپوروچ پولیس تے ڈاکواں وچکار فائرنگ، اک ڈاکو ہلاک تے تن ساتھی فرار
خانپور وچ تھانہ صدر پولیس تے ڈاکواں وچکار فائرنگ دا تبادلہ ہویا اے جس وچ اک ڈاکو ماریا گیا۔ پولیس ترجمان دے مطابق، پولیس پارٹی نے موضع جامپور روڈ اُتے ناکہ بندی دے دوران جدوں مشکوک موٹر سائیکل سواراں نوں روکن دی کوشش کیتی تے مسلح ڈاکواں نے فائرنگ کر دتی۔
پولیس ترجمان نے دسیا کہ فائرنگ دے تبادلے وچ اک ڈاکو موقعے اُتے ہی ڈھیر ہو گیا، جس دے قبضے توں کھوہی ہوئی موٹر سائیکل تے اسلحہ وی برآمد کر لیا گیا اے۔ ہلاک ڈاکو تے اوہدے ساتھیاں نے اک شہری توں اسلحے دے زور تے موٹر سائیکل کھوہی سی۔
پولیس ترجمان دا مزید آکھنا اے کہ مارے گئے ملزم دے 3 ساتھی فرار ہو گئے نیں جنہاں نوں پھڑن لئی سرچ آپریشن شروع کر دتا گیا اے۔ ہلاک ڈاکو دی لاش نوں ضروری کارروائی لئی ہسپتال منتقل کر دتا گیا اے۔
