“مبینہ ڈرگ ڈیلر انمول پنکی دے بارے نویاں گلاں سامنے آئیاں نیں کہ اوہدا نیٹ ورک کیویں چلدا سی
کراچی: مبینہ ڈرگ ڈیلر انمول پنکی دے نیٹ ورک بارے ہور سچائیاں سامنے آ گئیاں نیں۔
مبینہ ڈرگ ڈیلر انمول پنکی دے نیٹ ورک بارے ثبوتوں دے نال تفصیلات جیو نیوز دے پروگرام “آج شاہ زیب خان زادہ کے ساتھ” وچ پیش کیتیاں گئیاں نیں۔
پروگرام وچ دسیا گیا اے کہ انمول پنکی بناں کسی ڈر خوف دے دھڑلے نال منشیات ویچ رہی سی۔ ملزمہ کیش پیسے لین دی بجائے اپنے کلائنٹس توں بینک اکاؤنٹ وچ پیسے منگواندی سی۔ منشیات پیجن لئی اوہ انوکھا طریقہ ورتدی سی تے دودھ دے ڈبیاں تے ڈبل روٹی وچ لُکا کے کوکین سپلائی کردی سی۔
پروگرام وچ اے وی انکشاف کیتا گیا اے کہ ایہہ سارا نیٹ ورک سوشل میڈیا دے ذریعے چلایا جا رہیا سی۔ پنکی اپنے کسٹمرز نوں میسج کر کے منشیات دی سپلائی بارے دسدی سی تے کہندی سی کہ کراچی ہووے یا اسلام آباد، جِتھے وی تانوں “مال” چاہیدا اے، اپڑا دتا جائے گا۔ بس پیسے ٹرانسفر کرو تے مال وصول کرو۔
