بارکھان واقعہ: خان محمد مری دی دھی نال زیادتی تے سگریٹ نال ساڑن دا انکشاف
بارکھان واقعہ: خان محمد مری دی بازیاب دھی نال زیادتی تے سگریٹ نال ساڑن دے لرزہ خیز انکشافات
بارکھان واقعے وچ خان محمد مری دی بازیاب کرائی گئی نو عمر دھی نال جنسی زیادتی تے اوہنوں جلدے ہوئے سگریٹاں نال ساڑن دا افسوسناک انکشاف ہویا اے۔ نجی ٹی وی ‘ڈان نیوز’ مطابق پولیس سرجن نے دسیا اے کہ خان محمد مری دی دھی نوں کئی واری تشدد دا نشانہ بنایا گیا، جد کہ اوہدے نال جنسی زیادتی دے پکے ثبوت وی ملے نیں۔ یاد رہے کہ لیویز نے خان محمد مری دے بچیاں نوں دو دن پہلاں بارکھان تے دکی توں بازیاب کرایا سی۔
کوئٹہ دے سول ہسپتال دی سرجن ڈاکٹر عائشہ فیض نے دسیا کہ 17 سالہ بچی دے جسم اُتے وحشیانہ تشدد دے نشان موجود نیں تے سگریٹاں نال سلگاؤن پاروں اوہدی کھل (جلد) جلی ہوئی اے۔ بچی دی ماں نوں وی جسمانی طور تے تشدد دا نشانہ بنایا گیا تے اوہناں دے پنڈے اُتے وی مار پیٹ دے نشان پائے گئے نیں۔ خان محمد مری دے پتراں نے وی اپنے نال زیادتی ہون دا دسیا اے، پر اوہناں دے جسماں اُتے ایہدے واضح ثبوت نہیں ملے نیں۔
