’’میں بے قصور واں، سب کجھ میرا پچھلا گھر والا کروا ریا اے‘‘، کوکین کوئن پنکی دا سارے توہمتاں توں انکار
کراچی توں پھڑی گئی ملزمہ انمول عرف پنکی نوں ہور جسمانی ریمانڈ لئی جوڈیشل مجسٹریٹ جنوبی دی عدالت وچ منہ تے کپڑا پا کے پیش کیتا گیا، پر عدالت نے جسمانی ریمانڈ دی ارضی (درخواست) تے فیصلہ محفوظ کر لیا اے۔
تفصیل دے مطابق ملزمہ پنکی نے اپنے اتے لائے گئے سارے توہمتاں (الزامات) توں انکار کیتا تے آکھیا، “میں بے قصور واں، میں کچھ نئیں کیتا، میرا پچھلا گھر والا (سابق شوہر) ایہ سب کچھ کروا رہا اے۔” عدالت نے پچھیا کہ تواڈا پچھلا گھر والا ایہ سب کیوں کر رہا اے؟
پچھ گچھ کرنے والے افسر (تفتیشی افسر) دا کہنا سی کہ پنکی دا شناختی کارڈ بلاک اے، ملزمہ دی دسن تے ہی رائیڈرز نوں پھڑنا اے، ملزمہ دے ٹولے (گینگ) وچ پردیسی (غیر ملکی) بھی رلے ہوئے نیں، چھوٹا بھرا لاہور توں منشیات دا نیٹ ورک چلاندا اے، اک لاش ملی اے جیدے موبائل توں ایناں دا نمبر لبھیا اے، تے کروڑاں روپیاں دی لین دین (ٹرانزیکشن) دا وی پتا لگا اے۔ عدالت نے پچھیا کہ کیس وچ جیڑا بندہ مر گیا اے اودا کی رولا اے؟ تفتیشی افسر نے آکھیا کہ اوہ اجے تیکر نامعلوم اے، انگلاں دے نشان (فنگر پرنٹس) بھیجے ہوئے نیں۔
ملزمہ دے وکیل نے آکھیا کہ 15 مئی نوں ملزمہ نوں پیش کرنا سی، پر 16 مئی دی سویر پیش کیتا گیا۔ تفتیشی افسر نے آکھیا کہ عدالتی فیصلے وچ تن دناں دا لکھیا ہویا سی۔ عدالت نے آکھیا کہ تن دن دا ریمانڈ واضع سی، میرے حساب نال ٹھیک پیش کیتا اے، جے لیٹ پیش کردے تاں شوکاز ہوند ا۔
