میلسی وچ دل ہلا دین والا واقعہ، گھروالے نال جھگڑے تے زنانی نے 3 بچیاں نوں قتل کر کے آپ وی خودکشی کر لئی
پنجاب دے ضلعے میلسی وچ گھر توں ماں تے اوہدے تن بچیاں دیاں لاشاں ملیاں نیں، جپکہ واقعے دی تفتیش وچ دل ہلا دین والیاں تفصیلاں سامنے آئیاں نیں۔
رپورٹ دے مطابق پولیس نے دسیا کہ میلسی دے علاقے فتح پور وچ ماں نے ستے ہوئے تناں بچیاں نوں کلہاڑی دے وار نال قتل کیتا تے فیر بعد وچ اپنی زندگی دا وی انت کر لیا۔ مڈھلی تفتیش دے مطابق ایس واقعے دی وجہ میاں بیوی دا گھریلو جھگڑا اے۔
پولیس افسراں نے آکھیا اے کہ سوانی دے گھروالے نوں وی تفتیش لئی پھڑ لیا گیا اے۔ فوت ہون والے بچیاں دی عمر 3 توں 8 سال دے وچکار اے، جپکہ سوانی دی عمر 30 سال سی۔ فوت ہون والی سوانی تے بچیاں دا ٹی ایچ کیو ہسپتال میلسی وچ پوسٹ مارٹم کیتا گیا، تے واقعے دا مقدمہ سوانی دے بھرا دی مدعیت وچ درج کیتا گیا اے۔
