کراچی؛ ہندوانہ ویچن والے دے ہتھوں چھری دے وار نال زخمی چاٹ ویچن والا دم توڑ گیا

کراچی دے علاقے ابوالحسن اصفہانی روڈ تے بینک الحبیب دے نیڑے تیز دھار آلے دے وار نال زخمی ہون والا 16 سال دا منڈا علاج دے دوران دم توڑ گیا اے۔

پولیس دے مطابق مقتول علاقے وچ چاٹ دی ریڑھی لاؤندا سی۔ مڈھلی تفتیش وچ پتہ لگا اے کہ مقتول دا اک ہندوانہ (تربوز) ویچن والے نال جھگڑا ہویا سی، جس دے دوران ملزم نے مبینہ طور تے چھری دے وار کر کے اوہنوں شدید زخمی کر دتا تے موقعے توں نس گیا۔

پولیس دا کہنا اے کہ زخمی منڈے نوں نیڑے دے دکانداراں نے نازک حالت وچ فوراً نجی ہسپتال پہنچایا، پر اوہ جانبر نہ ہو سکیا۔ واقعے دے بعد پولیس نے ثبوت اکٹھے کر کے تفتیش شروع کر دتی اے، جپکہ ملزم دی بھال جاری اے۔ پولیس دا کہنا اے کہ واقعے دے وکھو وکھ پہلوآں دا جائزہ لیا جا رہا اے۔