“جڑانوالہ وچ معمولی جھیڑے نے 55 ورھیاں دے بندے دی جان لے لئی”

“پنجاب دے علاقے جڑانوالہ وچ معمولی جھیڑے (تنازعے) تے 55 ورھیاں دے بندے نوں قتل کر دتا گیا۔ ذرائع دے مطابق ایہ دلخراش واقعہ تھانہ سٹی دی حدود وچ گوبر چکن دے تنازعے تے پیش آیا، جہاں چک نمبر 237 گ ب وچ جنازہ گاہ دے باہر ملزمان شوکت وغیرہ نے 55 سالہ صادق علی نوں تشدد کر کے قتل کر دتا۔

دوجے پاسے اطلاع ملن تے پولیس وی موقعے تے پہنچ گئی، جس نے جائے وقوعہ توں شواہد کٹھے کر کے لاش پوسٹ مارٹم لئی ہسپتال بھیج دتی۔

ایس پی جڑانوالہ دا کہنا سی کہ قتل وچ ملوث مبینہ ملزمان وچوں تن نوں گرفتار کر لیا گیا اے، تے باقی ملزمان دے خلاف کارروائی کیتی جا رہی اے۔”