اوکاڑہ دی اک اکیڈمی وچ مالک ولوں کڑی نوں جنسی زیادتی دا نشانہ بناؤن دا افسوسناک واقعہ سامنے آیا اے

“اوکاڑہ وچ پرائیویٹ اکیڈمی وچ ٹیچنگ دی نوکری لین لئی آؤن والی کڑی نوں اکیڈمی دے مالک نے زیادتی دا نشانہ بنا دتا۔ نجی ٹی وی آج نیوز دے مطابق ملزم نوکری تے نکاح دا جھانسا دے کے کڑی نوں اک کمرے وچ بند کر کے تن دناں تیکر زیادتی کردا رہا۔ پولیس نے اکیڈمی دے مالک ملزم اسلام بھٹی نوں جدید ٹیکنالوجی دی مدد نال لبھ کے (ٹریس کر کے) گرفتار کر لیا اے۔ ملزم نے کڑی نوں اکیڈمی وچ نوکری دے نال نال رہائش دی وی آفر کیتی سی۔ متاثرہ کڑی دی درخواست تے ملزم اسلام علی بھٹی دے خلاف تھانہ بی ڈویژن وچ پرچہ (مقدمہ) درج کر لیا گیا اے تے پولیس دا کہنا اے کہ ملزم نوں قانون دے مطابق سخت سزا دتی جائے گی۔”