منشیات فروش مافیا دے خلاف قانون نافذ کرن والے ادارے دی فہرست منظرِ عام اُتے
شہرِ قائد (کراچی) وچ آن لائن منشیات ویچن والی مافیا دے خلاف قانون نافذ کرن والے ادارے دی تیار کیتی گئی فہرست منظرِ عام اُتے آ گئی اے۔
جاری کیتی گئی رپورٹ وچ انمول عرف پنکی دا ناں وی شامل اے، رپورٹ وچ دسیا گیا اے کہ ڈسٹرکٹ ساؤتھ دے درخشاں تھانے دی حدود وچ انمول عرف پنکی وڈے پدھر اُتے آن لائن منشیات دا کاروبار کردی اے۔
ڈرگ کوئین انمول عرف پنکی توں علاوہ آن لائن نشے دا دھندا کرن والے 70 منشیات فروشاں دی شہر وچ موجودگی دا انکشاف ہویا اے، کراچی دے 7 ڈسٹرکٹ وچ سوشل میڈیا، موبائل فون تے واٹس ایپ دے راہیں منشیات دا کاروبار عروج اُتے اے۔
جاری کیتی گئی فہرست دے مطابق آن لائن منشیات فروخت کرن والیاں وچ عورتاں وی شامل نیں، اس توں علاوہ ڈسٹرکٹ ساؤتھ دے صدر تھانے دی حدود وچ سمیرہ عرف بیبی آن لائن منشیات دا وڈا نیٹ ورک چلا رہی اے، جدکہ ڈسٹرکٹ کیماڑی دے سائٹ اے تھانے دی حدود وچ 2 عورتاں لال جان تے مہرالنساء عرف بیبل آن لائن منشیات دا کاروبار کر رہیاں نیں۔
