“میرے 4 دادیاں دا ویاہ اک ہی کڑی نال کروایا گیا جدکہ میرے 2 تایا دی اک ہی بیوی اے”: ادیتی نیگی دا انکشاف۔
بھارت دی مشہور سوشل میڈیا انفلوئنسر ’’ادیتی نیگی‘‘ نے پریانکا نال پوڈ کاسٹ وچ گل بات کردیاں انکشاف کیتا اے کہ اوہناں دا تعلق ہماچل توں اے تے اوہناں دی اک دادی تے 4 دادے سن، سب دا ویاہ اک ہی کڑی نال ہویا سی، اوہناں دے اگوں 3 بچے سن جنہاں وچوں اک میرے پاپا نیں تے باقی 2 تایا نیں۔
تفصیلات دے مطابق ادیتی نیگی دا کہنا سی کہ پرانے ویلے وچ انج ہوندو سی کہ جے 3 بھائی نیں، وکھرا ویاہ ہووے گا، وکھری بہو آئے گی، فیر گھر دی ونڈ (بٹوارا) ہووے گی۔ گھر نہ ونڈیا جائے اس لئی گھر وچ اک ہی بہو لیاندی جاندی سی، اوہدے نال ہی سب دا ویاہ کروایا جاندا سی تے اوہناں دے بچے ہوندے سن۔ میں اپنے گھر دی گل دَسدی آں، میری اک دادی سی تے 4 دادے سن، اک دادا نوں کوئی ہور کڑی پسند آ گئی، اوہناں نے ویاہ کر لیا، اوہ اوہنوں گھر لے آئے تے میری دادی نے آکھیا کہ میں سوتن قبول نہیں کراں گی، تے فیر اوہ اوہناں دے پنڈ وچ ہی جا کے رہن لگ پئے۔ فیر 3 دادے رہ گئے، اوہناں وچوں اک دے بچے میرے والد نیں، دوجے دادا دے بچے دوویں میرے تایا نیں۔ میرے 2 تایا نیں تے اک تائی اے، یعنی 2 بھائیوں دی اک ہی بیوی اے، انج ویاہ کروایا گیا۔ میرے پاپا نے پسند دا ویاہ (لو میرج) کیتا سی۔
