پنکی توں بعد کراچی توں اک ہور منشیات ویچن والی زنانی پھڑی گئی اے۔

کراچی دے علاقے گلستانِ جوہر توں مطلوب منشیات ویچن والی (منشیات فروش) زنانی (خاتون) شیریں شرینہ نوں پتراں (بیٹوں) سمیت پھڑ (گرفتار کر) لیا گیا اے۔

پولیس دے مطابق ملزمہ شیریں شرینہ نوں اوہدے دوہاں پتراں نال کامران چورنگی توں پھڑیا گیا اے، ملزمہ ہیروئن، چرس تے دوجی نشے والی چیزاں (منشیات) ویچدی سی۔ پولیس افسراں دا کہنا اے کہ ملزمہ کچھ ورھے پہلاں وی پھڑی جا کے جیل گئی سی تے دو سال پہلاں ای باہر آئی سی، ملزمہ شیریں عرف شیرینہ دے خلاف 35 دے نیڑے مقدمے درج نیں، اک کیس وچ ملزمہ دے کولوں دستی بمب وی برآمد ہویا سی۔

پولیس افسراں نے دسیا کہ ملزمہ اپنے فلیٹ دی طاق (کھڑکی) توں سِدھی (ڈائریکٹ) ہیروئن دی سپلائی کردی سی، پھڑی گئی ملزمہ تے اوہدے پتراں توں ہور پچھ گچھ (تفتیش) کیتی جا رہی اے۔