بھارت: نوویں جماعت دی طالبہ دے نال اجتماعی زیادتی توں بعد قتل ملزمان نے لاش ساڑ دتی

بھارت وچ اک کمسن کڑی نوں اجتماعی زیادتی (گینگ ریپ) توں بعد قتل کر کے لاش نوں ساڑ (جلا) دتا گیا۔

بھارتی میڈیا دے مطابق ریاست مدھیہ پردیش دے ضلع بھنڈ وچ ایہہ افسوسناک واقعہ پیش آیا جتھے 9 ویں جماعت دی طالبہ 15 سالہ کڑی 28 مئی نوں لاپتا ہوئی سی۔

ٹبر (اہل خانہ) نے شک دی بنیاد تے رامو گجر نالے نوجوان دا رابطہ نمبر لبھن توں بعد بھال شروع کیتی پر اوہدا کچھ پتا نہ چل سکیا، جس توں بعد پولیس وچ کڑی دے لاپتا ہون دی شکایت درج کروائی گئی۔ پولیس دے مطابق چھان بین توں معلوم ہویا کہ رامو گجر کڑی نوں لالچ دے کے پہاڑی دے نیڑے اک ویران جگہ تے لے گیا سی جتھے اوہنے اپنے 2 ساتھیاں نال مل کے کڑی نوں زیادتی دا نشانہ بنایا۔

پولیس نے ہور دسیا کہ تفتیش دے دوران ملزمان نے اپنے جرم دا اعتراف کیتا کہ اوہناں نے پہلے کڑی نال جنسی زیادتی کیتی تے پھر پکڑے جان دے ڈر توں اوہدا قتل کر دتا، ملزمان نے ثبوت مٹان لئی 29 مئی نوں لاش تے پیٹرول پا کے اگ لا دتی۔