لہور: قربانی دا گوشت منگن دے بہانے گھراں وچ چوریاں کرن والے پیو تے پُتر گرفتار کروڑاں دا سامان برآمد

لاہور: ڈیفنس پولیس دے آپریشنز ونگ نے چور پیو-پُتر نوں گرفتار کر کے اک کروڑ روپے توں ودھ مالیت دا سامان برآمد کر لیا اے۔

ترجمان ڈی آئی جی آپریشنز دے مطابق گرفتار کیتے گئے ملزم جوزف عرف ساگر تے جمشید ساگر پیو-پُتر نیں، دوہاں نوں ڈیفنس سی پولیس نے ‘ٹبہ گوہاوا’ تے ‘بھٹہ چوک’ توں گرفتار کیتا اے۔

ترجمان نے دَسیا کہ ملزم قربانی دا گوشت منگݨ والیاں دا روپ دھار کے سائیکلاں تے گھراں دی ریکی (جائزہ) کردے سن، گھراں دی گھنٹی (بیل) کھڑکائے (بجا) کے اوتھے بندیاں دے ہوݨ یا نہ ہوݨ دا پتا لاندے سن، تے جیہڑے گھروں کوئی جواب نہ ملدا، اوہنوں نشانہ بݨا کے لٹ لیندے سن۔

ترجمان دے مطابق ملزماں نوں سی سی ٹی وی (CCTV) کیمریاں دی مدد نال ٹریس کیتا گیا اے۔ گرفتار کیتے گئے ملزماں کولوں اک کروڑ دی مالیت دے سونے دے گہِݨے (طلائی زیورات)، گھڑیاں، غیر ملکی کرنسی تے دوجا سامان برآمد ہویا اے، جَد کہ ملزماں نوں ہور پچھ گچھ (تفتیش) لئی انویسٹی گیشن ونگ دے حوالے کر دتا گیا اے۔