بکرا چور گینگ دی گڈی نے راہ لنگھدے بندے نوکچل دتا3 جاں بحق، 11 زخمی
19 ایس پی روڈ تے بکرا چور گینگ دی پٹرولنگ پولیس تے فائرنگ، پولیس دی جوابی کارروائی وچ چور گینگ ولوں بھجݨ (فرار ہونے) دی کوشش دوران حادثہ پیش آ گیا۔
چوراں دی گڈی بے قابو ہو کے راہ لنگھدے بندیاں (راہگیروں) نوں کچّلدی ہوئی مسافر رکشے تے رُکھ (درخت) نال جا ٹکرائی، ایس حادثے وچ دو راہگیر سوانیاں (خاتون) تے نکی جہی بچی سمیت تِن بندے جاں بحق ہو گئے۔
ڈی پی او (DPO) دے مطابق حادثے وچ 11 بندے ڈاڈھے (شدید) زخمی وی ہوئے جِناں نوں ہسپتال منتقل کر دتا گیا اے، جَد کہ چور گینگ دیاں دو سوانیاں نوں موقعے توں ای گرفتار کر لیا گیا اے۔
حادثے دی اطلاع مِلدیاں ای پولیس دی بھاری نفری موقعے تے پہنچ گئی، حادثے توں بعد ڈاکو گڈی چھڈ کے مکئی دیاں فصلاں ول بھج گئے۔
ڈی پی او نے دَسیا کہ پولیس دی وڈی نفری نے علاقے نوں گھیرے (محاصرے) وچ لے لیا اے، ملزماں دی بھال (تلاش) جاری اے تے اوہناں نوں چھیتی ای گرفتار کر لیا جائے گا۔
