اک ہور شرمناک واقعہ، 4 بالاں دی ماں اپنی دھی دے سہورےنال بھج گئی
بھارت دے شہر علی گڑھ دی اک سوانی (خاتون) دے اپنی دھی (بیٹی) دے منگیتر نال بھجݨ دے کُجھ دہاڑیاں (دنوں) بعد ریاست اتر پردیش توں وی ایہو جیہا ای انوکھا واقعہ ساہمنے آیا اے، جِتھے اک سوانی مبینہ طور تے اپنی دھی دے سہورے (سسر) نال بھج گئی۔
بھارتی میڈیا دیاں رپورٹاں دے مطابق سوانی دے گھر والے (شوہر) سنیل کمار نے دَسیا کہ اوہ مہینے وچ صرف 2 وار گھر آؤندا سی تے اوہدی غیبت (غیر موجودگی) وچ اوہدی زنانی (بیوی) اپنی دھی دے سہورے نوں گھر سدّدی (بلاتی) سی۔ بھجݨ والی سوانی دے پُتر نے وی آکھیا کہ جَد وی بھین دا سہورا گھر آؤندا سی تاں ماں اوہناں نوں دوجے کمرے وچ جاݨ دا کہندی سی۔ رپورٹ دے مطابق مبینہ طور تے سوانی تے اوہدی دھی دا سہورا اپنے گھر والیاں ولوں کسے وی روڑے (مزاحمت) توں بچݨ لئی بھج گئے۔ 43 ورھیاں (سال) دی سوانی دے چار بال (بچے) نیں جِناں چوں اک دی شادی 2022 وچ ہوئی سی، ذرائع دے مطابق اوس توں بعد ای سوانی نے دھی دے سہورے، 46 ورھیاں دے شیلندرا نال تعلقات بنا لئے سن۔
سوانی دے گھر والے ٹرک ڈرائیور سنیل کمار نے دَسیا کہ اوہ گھر توں دُور رہ کے باقاعدگی نال پیسے گھر گھلدا (بھیجتا) سی تے اوہدی غیبت وچ اوہدی زنانی اکثر دھی دے سہورے نوں گھر سدّدی سی۔ سوانی دے پُتر نے دَسیا کہ اوہناں دے ابّا بہت گھٹ ای گھر ہوندے نیں، ماں ہر تِیجے دہاڑے (دن) بھین دے سہورے نوں گھر سدّدی تے سانوں دوجے کمرے وچ گھل دیندی سی، ہݨ اوہ اوہدے نال ای بھج گئی اے۔ گوانڈھی (پڑوسی) دے مطابق شیلندر ادھی رات دے نیڑے تریڑے سوانی دے گھر آؤندا سی تے منہ ہنھیرے (صبح سویرے) ٹُر جاندا سی۔
