کمسن بال نال بدفعلی دے مقدمے وچ مجرم دی عمر قید دی سزا برقرار
لاہور ہائیکورٹ نے کمسن بچے نال بدفعلی دے مقدمے وچ مجرم دی عمر قید دی سزا برقرار رکھی اے۔
لاہور ہائیکورٹ نے ملتان بینچ دا کمسن بچے نال بدفعلی دے مجرم دی اپیل اتے فیصلہ سݨا دتا۔
عدالت نے بین الاقوامی میڈیکل ریسرچ تے بدفعلی توں بعد (بچے دی) ذہنی کیفیت توں متعلق ریسرچ پیپر نوں وی فیصلے دا حصہ بݨایا۔
ایہ فیصلہ جسٹس طارق سلیم شیخ تے جسٹس امجد رفیق نے مجرم امتیاز دی اپیل اتے جاری کیتا۔
فیصلے وچ لکھیا گیا کہ ٹرائل کورٹ نے مجرم امتیاز نوں عمر قید تے پنجاہ ہزار روپے جرمانے دی سزا بالکل ٹھیک سݨائی، مجرم امتیاز حسین دے خلاف تھانہ بہاولپور پولیس نے 2022 وچ مقدمہ درج کیتا سی، مدعی (کیس کرن والے) دے مطابق اوہ اپنی ووہٹی (بیوی) تے بچیاں دے نال میلسی شہر گئے سن۔
جاری کیتے گئے فیصلے وچ ہور دَسیا گیا کہ مدعی دے مطابق اوہدا ہک پتر (بیٹا) گھر اتے ہی سی، جڈوں اوہ شہروں گھر واپس اپڑے (پہنچے) تاں ملزم اوہدے پتر نال بدفعلی کر رہا سی، مجرم نے اپنے بیان وچ آکھیا کہ اوہدی مٹھائی دی دکان اے تے اوہدی گلے (کیش دراز) وچوں بچہ پیسے لے کے بھجیا سی۔
مجرم دے مطابق اوہنے بچے نوں ماریا کُٹیا سی جِس توں بعد اوہدے اتے جھوٹا الزام لایا گیا، (پر) میڈیکل تے فرانزک رپورٹاں مجرم دے خلاف آئیاں، ایس لئی مجرم نوں شک دا کوئی فائدہ نہیں دتا جا سکدا۔
