“نوابشاہ وچ 100 ارب روپے دا مبینہ منی لانڈرنگ اسکینڈل ساہمنیں آ گیا!”
نوابشاہ: سندھ دے شہر نوابشاہ وچ 100 ارب روپے دا مبینہ منی لانڈرنگ دا اسکینڈل ساہمنیں آیا اے۔
اے آر وائی نیوز دے مطابق وفاقی تحقیقاتی ادارے (ایف آئی اے) نے نوابشاہ وچ مبینہ منی لانڈرنگ دے خلاف کارروائی دا مُڈھ بنھدے ہویاں بینک عملے نوں سد (طلب کر) لیا اے۔ ایف آئی اے حکام دا کہنا اے کہ شکی (مشتبہ) رقم نجی بینک دی کچہری روڈ تے سانگھڑ روڈ برانچ وچ گھلی (منتقل کیتی) گئی۔
حکام دے مطابق اک ارب توں ودھ رقم فراز علی تے الشہباز کمیشن ایجنٹ دے کھاتیاں (اکاؤنٹس) وچ آئی، تے دوہاں شکی کھاتیاں دے پچھے اک ہی مرکزی بندا متحرک سی۔ ایف آئی اے نے دوہاں اکاؤنٹس دا 2023 توں 2026 تک دا سارا ریکارڈ منگ لیا اے۔
ایف آئی اے سکھر آفس نے نجی بینک دے ہیڈ آفس حکام نوں وی سد لیا اے، جدوں کہ بینک دے ایریا منیجر تے دوہاں برانچ منیجرز نوں دساویزی ثبوتوں سمیت پیش ہون دا حکم دتا گیا اے۔
