سیانیاں دے تحفے
جم اندر لنگھیا۔ جویں کوئی بندہ شکاری کتے نوں دیکھ کے اڈول کھلو جاندا ہے اسے طرحاں اہل ہو گیا۔ اس دی نظر ڈیلا اپر پے چکی سی۔ اوہ اس طرحاں کیوں دیکھ رہا سی ڈیلا نوں پتہ نہ لگا۔ اوہ ڈر گئی جم دیاں اکھاں وچ نہ غصہ سی، نہ حیرانی، نہ نفرت۔ اس دا ہاو بھاو بھیانک نہیں سی، نہ ہی اجیہی کوئی بھاونا سی جس واسطے ڈیلا اپنے آپ نوں تیار کری بیٹھی سی۔ جم لگاتار ڈیلا دے چہرے ول دیکھی گیا تے جہڑے بھاو جم دے چہرے اپر اکرے ہوئے سن، ڈیلا نوں سمجھ وچ نہ آئے۔
ڈیلا نے اس ول سرکدیاں کیہا، جم، پیارے جم، مینوں ایوں نہ دیکھ۔ میں اپنے وال کٹوا کے ویچ دتے کیونکہ میں تہانوں کرسمس سوغات دتے بغیر رہِ نہیں سکدی سی۔ وال تاں چھیتی پھیر لمے ہو جانے نے۔ مینوں وشواس ہے تسیں برا نہی منانگے۔ سوغات تاں دینی سی۔ میرے وال تیزی نال ودھدے نے۔ مینوں شبھ کرسمس کہو جم۔ آ جم۔ موج مستی کریئے۔ تہانوں پتہ نہیں میں کیہو جہی سوغات تہاڈے لئی خرید کے لیائی آں۔
توں اپنے وال کٹوا دتے، جم بولیا۔ اس نے ایہہ شبد اینے سہجے سہجے بولے جویں کہ بہت زور لان بعد وی کسے نوں گل سمجھ نہ آئی ہووے۔ کٹوا ہی نہیں دتے، ویچ وی دتے، ڈیلا نے کیہا، کی بنا والاں توں مینوں پیار نہیں کروگے؟ بغیر والاں دے وی میں تاں میں ای ہاں ناں۔ حیران جہی نظر جم نے کمرے وچ دوڑائی۔ جویں کوئی شیدائی وہار کردا ہے۔ جم پھر بولیا، کی آکھیئے توں؟ کہ تیرے کیس چلے گئے؟ ڈیلا بولی، ہن نی لبھنے اوہ۔ میں دس نہ۔ وک وی گئے۔ چلے گئے۔ عمر ہی اینی سی میرے کیساں دی۔ ڈیلا دی آواز ہن گمبھیر اتے مٹھاسپورن ہو گئی پر تہاڈے بارے میرے پیار دی گنتی کوئی نی کر سکدا۔ پیارے جم، پکوڑے بناواں؟
سن مسن جہی حالت وچوں جم ہن باہر نکلیا۔ اس نے ڈیلا نوں گلوکڑی وچ گھٹ لیا۔
آ پاٹھکو، دس سکنٹاں واسطے آپاں اپنا دھیان کسے ہور معمولی جہی چیز ول کریئے۔ ہفتے دے اٹھ ڈالر جاں دس لکھ، فرق کی ہے؟ گنت شاستری اتے گیانی دھیانی غلط ملط اتر دینگے۔ میجئی درویس، یقینا بے شمار قیمت دے تحفے لے کے آئے سن پر ایہہ گل اوہناں وچ وی نہیں سی۔ گل تاں تہانوں اجے دسنی ہے۔ اوورکوٹ دی جیب وچوں جم نے اک لفافہ کڈھیا تے میز اپر سٹ دتا۔
لو جی پیکٹ وچوں نکلیا بے انت سوہنیاں کنگھیاں اتے کلپاں دا پورا سیٹ۔ اوہی سیٹ جہڑا براڈوے دی وڈی دوکان وچ ڈیلا نے اک ویر وار وار دیکھیا سی تے اس دی تکنی وچوں اس نوں خریدن دی اچھا جم نے پڑھ لئی سی۔ اینیاں خوبصورت کنگھیاں؟ کچھو دی کھوپری دے بنے ہوئے تے موتیاں نال مڑھے کنارے، لشکارے ماردے ہوئے کلپ۔ اینے سوہنے رنگ، ڈیلا دے والاں دی رنگت دے، اوہناں والاں ورگے جہڑے کٹ گئے تے وک گئے۔ بڑیاں مہنگیاں کنگھیاں ڈیلا کہڑا جاندی نہیں سی۔ اوہ جاندی سی، کدی نہیں خرید سکیگی ایہہ کنگھیاں تے کلپ، کدی نہیں سجا سکیگی۔ پر اپنے دل دا کی کردی اوہ؟ کلپاں دی خواہش، بے صبری، اوہناں نوں پراپت کرن دی تیبر اچھا سبھاوک سی۔ اوہی کنگھیاں کلپ ہن اوہدے سن، پر اوہ لمے کیس جنہاں دا شنگار ایہناں کلپاں نے بننا سی، اوہ چلے گئے سن دور۔
ڈیلا دی گل منن دی تھاں جم سوفے تے لڑھک گیا۔ سر ہیٹھاں ہتھ رکھ کے مسکرایا، ڈیلا تھوڑی دیر لئی آپاں کرسمس دے تحفے اک پاسے رکھ دیئیے۔ ایہہ انے سوہنے نے کہ آپاں ایہناں نوں پہنن دے قابل نہیں بس۔ تیرے واسطے کنگھیاں کلپ خریدن واسطے میں اوہ گھڑی ویچ آیاں۔ چلو ٹھیک ہویا۔ ہن ایوں کر، پکوڑے تل۔
تہانوں پتہ ای اے پاٹھکو، ایہہ میجئی بڑے دورندیش سن۔ یقینا دورندیش۔ پنگھوڑے وچ لیٹے یسوع واسطے تحفے لے کے آئے سن اوہ۔ اوہناں دے تحفے کہڑا گھٹ قیمتی سن؟ پر اک فرق ہے۔ جے چاہندے، میجئی اپنے تحفے بدل سکدے سن، دوکاندار بدل کے ہور دے دندا۔ اتھے میں اپنے ٹٹے-پھٹے انداز وچ نکے فلیٹ وچ رہندے دو مورکھ بچیاں دی کہانی سنائی ہے جنہاں نے اپنے سبھ توں قیمتی خزانیاں دی راکھ بنا دتی۔ تاں وی، اس کلیگ وچ اکلوند لوکاں لئی میرے ایہہ دو شبد سنو، جنے لوک سوغاتاں دندے ہن، اوہناں وچوں ایہو دو سبھ توں ودھیک عقل مند ہن۔ لوک تحفے لین گے دین گے پر ساریاں وچوں ودھیک سیانے ڈیلا تے جم ہن۔ ہر تھاں، اوہی سیانے ثابت ہون گے۔میرے لئی تاں اوہی میجئی ہن ۔
٭٭٭
