اوہ خاتون جیہنے دہاکیاں دی محنت توں بعد اک تھل نوں ہرا بھرا جنگل بنا دتا
ایک خاتون نے دہاکیاں دی لمی محنت توں بعد اک سُکے تھل (صحرا) نوں ہرا بھرا جنگل بنا دتا اے۔ چین دے خودمختار علاقے ‘اندرونی منگولیا’ دی رہن والی 60 سالہ ین یوزین (Yin Yuzhen) دہاکیاں توں تھل وچ بوٹے لا رہی اے۔ اوہناں نے اے کم اوہدوں وڈے پدھر تے شروع کیتا جڈوں سالاں پہلے اک امریکی بندے نے اوہناں نوں 5 ہزار ڈالرز دا عطیہ دتا سی۔ ہن ایس مائی نے اس امریکی بندے نال رابطہ کر کے اوہنوں ایس جنگل نوں ویکھن دا سدا (دعوت) دتا اے، جیہڑا اوہدے پیسیاں پاروں بنیا اے۔
ین یوزین نوں سال 2000 وچ چین دی اسٹیٹ کونسل نے ‘نیشنل ماڈل ورکر’ دا اعزاز دتا سی کیوں جے اوہ اک وڈے عرصے توں صحرا نوں ہرا کرن دے کم وچ لگی ہوئی اے۔ چین دے صوبے شانسی (Shaanxi) دے اک غریب گھرانے نال تعلق رکھن والی ین یوزین دا ویاہ 1980 دی دہاکی وچ اندرونی منگولیا دے ‘ماؤووسے’ (Maowusu) تھل وچ رہن والے اک بندے نال ہویا سی، جیہڑا چین دے 4 وڈے صحراواں وچوں اک اے۔ اویس ویلے توں ین یوزین تے اوہناں کے گھروالے (شوہر) اوتھے بوٹے لا رہے نیں تاں جے سُکے دی مصیبت تے قابو پایا جا سکے۔
