اوہ سیاحتی تھاں جِتھے تسیں 64 لاکھ روپے دی مالیت دا خزانہ کھوج سکدے او
کیہ تسیں بالپݨ (بچپن) وچ خزانہ لبھن دیاں کہانیاں پڑھیاں نیں تے سچ مچ انج کرنا پسند کرو گے؟
جے ہاں، تے اک یورپی دیس (ملک) وچ تسیں سچیوں اپنے ایس سپنے (خواب) نوں حقیقت وچ بدل سکدے او۔
جی ہاں واقعی، فن لینڈ دے علاقے ‘لاپ لینڈ’ (Lapland) وچ تسیں خزانہ لبھ سکدے او کیونکہ اوتھے سیاحواں لئی سونا لُکایا گیا اے۔
لاپ لینڈ دی سیاحتی تھاں ‘لیوی’ (Levi) اسکائنگ تے قطبی روشنائیوں (Northern Lights) لئی مشہور اے تے اوتھے ہاڑ دے مہینے (موسم گرما دے سیزن) وچ 20 ہزار یورو (64 لاکھ پاکستانی روپیاں توں ودھ) دی مالیت دا سونے دا اک ڈلا لُکایا گیا اے۔
خزانے دی ایس کھوج (تلاش) دا مُڈھ (آغاز) 18 جون نوں ہوئے گا۔
‘وزٹ لیوی’ ولوں جاری کیتے گئے بیان وچ دَسیا گیا اے کہ ایس کھوج وچ حصہ لین دے چاوان (خواہشمند) بندے ‘لیوی وزیٹر سینٹر’ وچ رجسٹریشن کرا کے پہلا سُراغ (سراغ) حاصل کر سکدے نیں۔
ایس توں بعد ہور سُراغ وی دَسے جاؤن گے جڈوں کہ ہائیکرز اوہناں نوں مقامی ڈھلواناں تے دوجیاں جگہواں ول لے کے جاؤن گے، تاں جے اوہ لُکے ہوئے خزانے دے نیڑے پہنچ سکن۔
سونے دی ایہہ کھوج جے انجے ای چلدی رہی تے آخری سُراغ 22 اگست نوں دَسیا جائے گا۔
ایہہ علاقہ سیال (موسم سرما) وچ اسکائنگ دا گڑھ (مرکز) ہوندا اے تے اک منیا پرمنیا سیاحتی مقام اے۔
ہاڑ (موسم گرما) دے دناں وچ اوتھے سورج 24 گھنٹے اسمان تے ای چمکدا رہندا اے تے ایس لئی ‘مڈنائٹ سن’ (Midnight Sun) دا ناں ورتیا جاندا اے۔
پر گرمیاں وچ اوتھے سیاح بہت گھٹ آندے نیں تے خزانہ لبھن دی ایس مہم دا اصل مقصد اوتھے لوکاں دی بھیڑ (لوگوں کو لانا) اکٹھی کرنا اے۔
ایس کھوج وچ حصہ لین والے لوکاں نوں ہدایت کیتی جائے گی کہ اوہ دتے گئے خاص علاقے دے اندر ای سونا لبھن تے قدرتی ماحول دا پورا آدر (احترام) کرن۔
