جی پی ایس نوں فالو کرن والی سوانی نے کار ریل دی پٹری تے چڑھا دتی، ٹرین سروس معطل
امریکی خاتون ڈرائیور نے کار لائٹ ٹرین دی پٹری تے چڑھا دتی۔
غیر ملکی میڈیا دے مطابق ریاست واشنگٹن دے شہر سیئٹل وچ ہک 70 سالہ بڈھی مائی (خاتون) نے پٹری تے کار چلا دتی، جس پاروں ٹرین سروس معطل ہو گئی۔ خاتون ڈرائیور دا آکھݨ سی کہ اوہ ’جی پی ایس‘ دے دسے رستے تے چل رہی سی، جِتھے کار سڑک دی بجائے ٹرین دی پٹری تے چلی گئی۔
عینی شاہدین (موقعے تے موجود لوکاں) دا آکھݨ اے کہ خاتون کافی دُور تیکر پٹری دے اتے ای گاڑی چلائوندی رہی، جَد کہ ٹرین سروس متاثر ہوݨ پاروں مسافراں نوں دیر دا ساہمنا کرنا پیا۔
میڈیا رپورٹاں دے مطابق واقعے دا پتہ لگدیاں ای فائر ڈپارٹمنٹ نے ہیوی مشینری دی مدد نال کار نوں پٹری توں پاسے کیتا (ہٹایا)۔
انتظامیہ نے ہور دَسیا کہ اوینج تے خاتون نشے دی حالت وچ نہیں سی، پر فیر وی طبی معائنے لئی اوہناں نوں ہسپتال گھلیا گیا اے۔
