کرکٹ گلاں باتاں چیئرمین پی سی بی محسن نقوی نوں بھارتی سرکار ولوں آئی پی ایل دا سدا ہلے تک نئیں ملیا: اندرلی دَس

آئی پی ایل فائنل لئی چیئرمین پی سی بی محسن نقوی نوں بھارتی سرکار دا سدا ہلے تک نئیں ملیا؛ انڈیا جاون دا آخری فیصلہ وزیرِ اعظم شہباز شریف کرن گے

پاکستان کرکٹ بورڈ دے چیئرمین سید محسن رضا نقوی نوں بھارتی حکومت ولوں آئی پی ایل دا سدا (دعوت نامہ) ہلے تک نئیں ملیا اے۔ خبراں مطابق، پاکستان کرکٹ بورڈ دے سربراہ سید محسن رضا نقوی نوں 31 مئی نوں نریندر مودی اسٹیڈیم احمد آباد وچ ہون والے آئی پی ایل فائنل لئی سدّ (مدعو) کیا گیا اے، پر بھارتی سرکار ولوں ایس بارے اجے تک کوئی پکا سدا پتر نئیں گھلیا گیا۔

اندرلی دَس مطابق، چیئرمین پی سی بی دے انڈیا جاون بارے آخری فیصلہ وزیرِ اعظم شہباز شریف کرن گے، پر ایس سارے معاملے وچ کوئی وی گل بات بھارتی حکومت ولوں باقاعدہ سدا ملن توں بعد ای اگے ودھ سکے گی۔ دوجے پاسے، آئی سی سی (ICC) بورڈ دی میٹنگ وی 30 تے 31 مئی نوں احمد آباد وچ ای ہونی اے، جیدے وچ پی سی بی ولوں چیئرمین سید محسن رضا نقوی نے جانا اے، پر اوہناں دے ایس میٹنگ چ جاون دی صورتحال وی ہلے تک صاف نئیں ہو سکی۔