امریکی حملیاں دے جواب وچ ایران دا آپریشن نصر 2، بحرین وچ کئی امریکی ہدفاں نوں نشانہ بناؤن دا دعویٰ
ایرانی پاسدارانِ انقلاب نے دعویٰ کیتا اے کہ امریکی حملیاں دے جواب وچ ‘آپریشن نصر 2’ دی دوجی لہر دے دوران اوہدے بحری دستیاں نے بحرین وچ جفیر بیس تے میزائل تے ڈرون حملے کیتے نیں، جنہاں وچ اسلحے دے کئی گودام، سیٹلائٹ کمیونیکیشن سینٹر تے امریکی افواج دے زیرِ استعمال اک عمارت نوں نشانہ بنایا گیا اے۔
بیان وچ ہور آکھیا گیا کہ پاسدارانِ انقلاب دی بحری تے میزائل فورسز نے بحرین وچ امریکی بحریہ دے ففتھ فلیٹ ہیڈکوارٹر تے میزائل تے ڈرون حملے کیتے، جس دے نتیجے وچ ایندھن (فول) دے ٹینکاں وچ اگ لگ گئی۔
پاسدارانِ انقلاب دے مطابق ایس کارروائی وچ پیٹریاٹ ریڈار سسٹم، ففتھ فلیٹ دا ائیر کنٹرول ریڈار تے C-RAM ارلی وارننگ ریڈار سسٹم نوں وی نشانہ بنا کے تباہ کیتا گیا اے۔
بیان وچ ہور آکھیا گیا کہ ایس حملے وچ سمندری ڈرونز نوں کنٹرول کرن والا مرکز وی مکمل طور تے تباہ کر دتا گیا اے۔
