آؤندے کجھ دناں وچ ملک دے مختلف علاقےآں وچ ہنیری تے گرج چمک نال بارشاں دا امکان۔
محکمہ موسمیات دے مطابق بحیرہ عرب توں سلیاں (مرطوب) ہواواں اتلے (بالائی) تے وچکارلے (وسطی) علاقےآں وچ لگاتار داخل ہو رہیاں نیں، ہفتہ تے اتوار نوں ایہناں ہواواں دی تیزی (شدت) وچ ہور اضافے دا امکان اے۔
محکمہ موسمیات نے دسیا کہ لہندیاں (مغربی) ہواواں دا اک سلسلہ پیر نوں ملک دے اتلے علاقےآں وچ داخل ہووے گا، کشمیر وچ 18 توں 25 جولائی تک ہنیری تے گرج چمک نال بارش دا امکان اے جدکہ گلگت بلتستان وچ وی 18 توں 25 جولائی نوں گرج چمک نال بارش متوقع اے۔
محکمہ موسمیات دے مطابق خیبرپختونخوا دے مختلف ضلعیاں وچ 19 توں 23 جولائی تک بارش دا امکان اے، اسلام آباد، راولپنڈی، مری تے لاہور سمیت پنجاب دے مختلف شہراں وچ وی ہنیری تے بارش ہو سکدی اے جدکہ ژوب، بارکھان، موسیٰ خیل، لورالائی، سبی تے زیارت وچ بارش دی پیشگوئی کیتی گئی اے۔
