گلگت بلتستان اسمبلی نے جی بی نوں پاکستان دا عبوری صوبہ بنان دی قرار داد منظور کر لئی۔
اسکردو: گلگت بلتستان اسمبلی نے جی بی نوں پاکستان دا عبوری صوبہ بنان دی قرار داد منظور کر لئی اے۔
گلگت بلتستان اسمبلی وچ جی بی نوں پاکستان دا عبوری صوبہ بنان دی قرار داد پیش کیتی گئی جیہدے وچ آکھیا گیا کہ گلگت بلتستان نوں عبوری صوبہ بنان نال مسئلہ کشمیر اُتے پاکستان دا مؤقف تبدیل نہیں ہونا چاہیدا۔
قرار داد وچ آکھیا گیا اے کہ گلگت بلتستان نوں پاکستان دی قومی اسمبلی تے سینیٹ وچ نمائندگی دتی جائے، جی بی نوں پاکستان دے سارے آئینی اداروں وچ نمائندگی دتی جائے جدکہ وفاقی حکومت گلگت بلتستان اسمبلی دی قرار داد دے نفاذ لئی سارے ضروری آئینی تے انتظامی اقدامات کرے۔
قرار داد وچ آکھیا گیا کہ گلگت بلتستان دے عبوری صوبہ بنن نال مستقبل وچ کشمیر دے استصوابِ رائے (رائے شماری) اُتے اثر نہیں پینا چاہیدا، عبوری صوبائی حیثیت نال مسئلہ جموں و کشمیر اُتے پاکستان دے مؤقف اُتے کوئی اثر نہیں پئے گا۔
قرار داد وچ گلگت بلتستان دے عوام نوں دوجے صوبیاں دے برابر آئینی تے جمہوری حقوق دین دی تجویز دتی گئی اے، جدکہ قرار داد اُتے عمل درآمد لئی آئینی، قانونی تے انتظامی اقدامات شروع کرن دی سفارش کیتی گئی اے۔
قرار داد دے مطابق عبوری صوبائی حیثیت پاکستان دیاں بین الاقوامی ذمہ داریاں دے عین مطابق ہووے گی۔
