ملک وچ صرف 15 دن دی لوڑ دا پیٹرول باقی، تیل کمپنیاں نے حکومت توں فوراً وچکار پین دا مطالبہ کر دتا۔

تیل کمپنیاں نے پیٹرول دی ممکنہ قلت توں خبردار کردے ہوئے حکومت توں فوراً وچکار پین کرن) دا مطالبہ کر دتا۔

تیل کمپنیاں دا کہنا اے کہ ملک وچ صرف 15 دیہاڑیاں (روز) دی لوڑ دے برابر پیٹرول دے ذخیرے باقی رہ گئے نیں۔

تیل کمپنیاں نے حکومت نوں مقامی پدھر (سطح) تے پیٹرول دی ممکنہ قلت دے فوری خطرے توں واقف کردے ہوئے آکھیا اے کہ جے فوراً مداخلت نہ کیتی گئی تے پیٹرول (موٹر اسپرٹ/ایم ایس) دی سپلائی متاثر ہو سکدی اے۔

15 جولائی نوں وزیر توانائی (پیٹرولیم ڈویژن) علی پرویز ملک دے ناں ’انتہائی فوری‘ درجے دی چٹھی (خط) وچ آئل کمپنیز ایڈوائزری کونسل (او سی اے سی) نے آکھیا کہ ملک وچ پیٹرول دی سپلائی دی صورتحال غیر معمولی حد تیکر سنگین ہو چکی اے۔

ایڈوائزری کونسل نے آکھیا کہ ایس ویلے صرف تقریباً 370 ہزار میٹرک ٹن موٹر اسپرٹ (ایم ایس) دا ذخیرہ موجود اے، جیہڑا ملک دی تقریباً 15 دن دی لوڑ دے برابر اے۔

کمپنیاں دا کہنا اے کہ ویبوک (WeBOC) وچ تاخیر پاروں باہروں منگوائے گئے (درآمدی) پیٹرول دی کلیئرنس متاثر ہو رہی اے، تن درآمدی پیٹرول کارگو ویلے سر نہ پہنچے تے سپلائی نوں دھکا لگ سکتا اے، 66.7 ارب دی عدم ادائیگی پاروں آئل کمپنیاں نوں مالی بحران دا ساہمنا اے۔

انڈسٹری (صنعت) دے مطابق بوہت گھٹ ذخائر، درآمدی ایندھن دی کسٹمز کلیئرنس وچ تاخیر، منگ (طلب) وچ وادھے تے شدید مالی دباؤ سپلائی وچ رکاوٹ دی وجہ بن سکدے نیں۔