“معرکۂ حق افواجِ پاکستان تے مودی دا گٹھ جوڑ سی”، عمران خان دی بھین نورین نیازی دا متنازعہ بیان سہمنے آ گیا

اکستان ’معرکۂ حق افواجِ پاکستان تے مودی دا گٹھ جوڑ سی‘، عمران خان دی بھین نورین نیازی دا متنازعہ بیان سہمنے آ گیا

معرکۂ حق افواجِ پاکستان تے مودی دا گٹھ جوڑ سی، نورین نیازی نے اک انٹرویو وچ معرکۂ حق دے معاملے تے افواجِ پاکستان نوں تنقید دا نشانہ بنایا— فوٹو: فائل

پاکستان تحریک انصاف (پی ٹی آئی) دے بانی عمران خان دی بھین نورین نیازی دا معرکہ حق تے پاک فوج بارے متنازعہ بیان سہمنے آ گیا اے۔ بانی پی ٹی آئی دی بھین نورین نیازی نے اک انٹرویو وچ معرکۂ حق دے معاملے تے افواجِ پاکستان نوں تنقید دا نشانہ بنایا۔

نورین نیازی نے آکھیا کہ معرکۂ حق افواجِ پاکستان تے مودی دا گٹھ جوڑ سی، مودی دے نال رل کے ڈرامہ کیتا گیا، مودی چاہندا تے دو منٹ وچ انہاں نوں فکس کر دیندا، اوہ ایس لئی رکیا کیوں جے اسرائیل اوہناں دے پچھے سی۔

اوہناں دا کہنا سی کہ اوہناں نے پاکستان توں اسرائیل نوں تسلیم کروانا سی، ٹرمپ وی ایس لئی اوہناں دیاں تعریفاں کردا اے، نہیں تے تہاڈا کی خیال اے، ایہ ٹرمپ نوں چنگے لگدے نیں۔ نورین نیازی نے آکھیا کہ اوہناں نے ابراہم ایکارڈ کروانا سی، اسرائیل نال پاکستان دے رابطے سن، ایس لئی ایہ سارا ڈرامہ پاک فوج نوں عزت دوان لئی کیتا گیا۔