بھارت دا امن دا درس دینا ہاسوفلا ہے، جموں تے کشمیر نہ اوہدا اٹوٹ انگ ہے تے نہ ای اندرونی معاملہ، پاکستان۔
نیویارک: اقوام متحدہ دی سلامتی کونسل وچ پاکستان نے بھارت نوں کرارا جوابی دندے ہوئے کہیا ہے کہ بھارت دا امن دا درس دینا ہاسوفلا ہے، جموں تے کشمیر نہ بھارت دا اٹوٹ انگ ہے تے نہ ای اندرونی معاملہ۔
اقوام متحدہ وچ پاکستانی مشن دی قونصلر صائمہ سلیم نے بھارت نوں کرارا جواب دندے ہوئے کہیا ہے کہ بھارت آپ مسئلہ کشمیر سلامتی کونسل لایا سی، اج قرارداداں توں پھر رہیا ہے، مقبوضہ کشمیر وچ ظلم تے انسانی حقاں دی پامالیاں جاری نیں۔
قونصلر صائمہ سلیم نے کہیا کہ بھارت دا امن دا درس دینا ہاسوفلا ہے، جموں تے کشمیر نہ بھارت دا اٹوٹ انگ ہے تے نہ ای اندرونی معاملہ، بھارت دا انکار ایس رولے دی بین الاقوامی حیثیت بدل نہیں سکدا۔
صائمہ سلیم نے کہیا کہ سندھ طاس معاہدے نوں معطل کرن دا بھارتی فیصلہ بین الاقوامی قانون دی خلاف ورزی ہے، دریائے سندھ دا پانی جؤن دا ذریعہ ہے، جنگ دا ہتھیار نہیں۔
پاکستانی قونصلر نے کہیا کہ بھارت نال جڑے دہشت گردی دے نیٹ ورک عالمی سطح تک پھیل چکے نیں، بھارت وچ ہندوتوا نظریات نے اسلاموفوبیا نوں ریاستی پالیسی بنا دتا ہے۔
ٹیگز: نیویارک, اقوام متحدہ, سلامتی کونسل, صائمہ سلیم, پاکستان, بھارت, جموں تے کشمیر, مسئلہ کشمیر, سندھ طاس معاہدہ, ہندوتوا, اسلاموفوبیا, انسانی حقوق
