دلجیت دوسانجھ نے فلم ‘ستلج’ دا معاوضہ صرف اک روپیہ لیا، ڈائریکٹر دا انکشاف۔
بھارتی گلوکار تے اداکار دلجیت دوسانجھ دے حوالے نال انکشاف ہویا اے کہ اوہناں نے اپنی حال ہی وچ ریلیز ہون والی فلم ‘ستلج’ دا معاوضہ صرف اک روپیہ (بھارتی) لیا اے۔
بھارتی پنجاب دے مشہور انسانی حقوق دے کارکن جسونت سنگھ خالڑا دی زندگی تے جدوجہد اُتے بنائی گئی فلم ‘ستلج’ ریلیز توں پہلاں ہی رولے (تنازع) دا شکار ہو گئی سی۔ پہلاں فلم دا ناں ‘پنجاب 95’ رکھیا گیا سی پر بعد وچ سنسر بورڈ دے اعتراضاں توں بعد ایہنوں بدل کے دریا دے ناں اُتے ‘ستلج’ رکھ دتا گیا۔
