نعت شریف

اقبال راحت

سرکار دو عالمۖ دی رحمت دا سہارا اے
اللہ دا کرم ہووے آقا دا اشارا اے
عصیاں دے طلاطلم وچ ہن ڈبدے جانے آں
ساڈے ہاڑے سُنے آ کے مولا دا پیارا اے
کرو نظر کرم والی چن مکھڑا وکھا جائو
کیوں میرے مقدر دا ڈبدا پیا تارا اے
جہڑے جان مدینے نوں کنے کرماں والے نیں
طیبہ وچ دسدے نیں جنت دا نظارا اے
لوکاں نے ستم ڈھائے لوو آن خبر میری
ٹھکرایا اے دنیا نے میرا کوئی نہ چارا اے
خیرات عطا ہووے آیا در تے بھکاری اے
مدنی دے دوارے تے راحت دا گزارا اے