نعت شریف
عبدالحمید نظامی
سوہنے پیراں دی نسبت نعلین پیارے سوہنے
پا گئے نے کنی رفعت نعلین پیارے سوہنے
پئے آکھن رشک کریندے سب سوچ تخیل میرے
اسیں ہندے کاش حقیقت نعلین پیارے سوہنے
نہیں غم اگانہہ دا مینوں نہ قبر دی تنگی دا اے
کر دین گے اوتھے وسعت نعلین پیارے سوہنے
سرکار تہاڈے صدقے ہونی ایں بخشش ساڈی
لے دین گے آپے جنت نعلین پیارے سوہنے
کسے پڑ چ یار نظامی ، کدے کنڈ نہیں لگی میری
دیندے نے ہر تھاں عزت نعلین پیارے سوہنے
Load/Hide Comments
