نعت شریف

علی احمد گجراتی

کدے دہلیز نوں چُماں کدے سوہنا حرم چُماں
نگاہواں نال اوہ روضہ سمجھ رب دا کرم چُماں
بڑا ای فضل رب دا اے بڑی رب دی کریمی اے
لکھاں اِسمِ محمدۖ تے میں مُڑ مُڑ کے قلم چُماں
مدینہ تے مدینہ مدینے دے مسافر دے
نشان چُماں میں پیراں دے میں تلیاں دے ورم چُماں
کرن گے ناز اُس ویلے فرشتے وی مقدر تے
صِلے وچ نعت دے جد میں محمدۖ دا عَلَم چُماں
میں ہر لمحہ فِدا ہوواں نبیۖ دی آل توں احمد
نبیۖ دے میں صحابہ دے تے جُھک جُھک کے قدم چُماں