نعت شریف

عبدالحمید نظامی

طیبہ پاک دی ہر گلی وچ پا کے سوہنے پاک نعلین
قدم مبارک ٹردے ہوسن چاکے سوہنے پاک نعلین
کسراں جاندے ہوون گے اوہ سوہنے مسجد ول آقا
کسراں لاہ کے رکھدے ہوسن جا کے سوہنے پاک نعلین
نال صحابہ ٹردے ہون گے آقا جتھے جتھے وی
کسراں اگے رکھدے ہون گے پیر ودھا کے پاک نعلین
جاندے ہون گے جدوںبزارے نال صحابہ سبھناں دے
نال صلاحواںلیندے ہون گے وکھا کے سوہنے پاک نعلین
پا لیندے سن پیراں دے وچ پیلے رنگاں وچ جچدے
آپے ٹُٹیاں گنڈھ لیندے سن بنا کے سوہنے پاک نعلین
سوہنیاںسوہنیاں ودھراں والے بڑیاں شاناں والے سن اوہ
کسراں لاہ کے گھر رکھدے سن آ کے سوہنے پاک نعلین