نعت شریف

عبد الحمید نظامی

فقیرا کر فقیری نعلین نوں رکھ ساہویں
توں سکھ لے ڈھنگ اسیری نعلین نوں رکھ ساہویں
کاں بگا بگا کہندیاں ، کالیوں ہو گئے بگے
ہن آگئی جیکر پیری نعلین نوں رکھ ساہویں
دَر دَر تے دُر دُر ہووے اک در دا ہو جا توں
کیوں گھمیں وانگ بھمبھیری نعلین نوں رکھ ساہویں
لوکاں دی اکھ دا ککھ وی نظریں تینوں آوے
تک اپنی اکھ چھتیری نعلین نوں رکھ ساہویں
سوہنے دے قدمیں لگ جا چھڈ کے دنیا داری
فر تیل دی ویکھ دھتیری نعلین نوں رکھ ساہویں
جے چاہنا ایں توں شفاواں ہو جا اندروں باہروں
نظامی وانگ بوصیری نعلین نوں رکھ ساہویں